«Ақтөбенің» бұрынғы ойыншысы «Ақсуға» ауысты

«Ақсу» футбол клубы қазақстандық жартылай қорғаушы Демият Сламбековпен келісімшартқа отырды, деп хабарлайды Prosports.kz.

Бұл туралы клубтың баспасөз қызметі мәлімдеді.

Сламбеков — алматылық «Цесна» спорт мектебінің түлегі, сонымен қатар «Оле Бразил» академиясында тәрбиеленген. Мансабын 2015 жылы «Бәйтерек» сапында бастады.

2017 жылы 3 маусымда павлодарлық «Ертіске» қарсы матчта ол Қазақстан премьер-лигасында дебют жасады. Ол сондай-ақ «Оқжетпес» және «Жетісу» сияқты қазақстандық клубтарда ойнады. Содан кейін литвалық «Стумбрас» (8 ойын, 3 гол) және «Хегельманн Литауэн» (15 ойын, 3 гол) клубтарында доп тепті.

Футболшы бұған дейін «Ақтөбе» сапында өнер көрсетті.