«Ақтөбе» ойыншылары VIP-саунаға түсу үшін 3 млн теңге сұрады

<p> <strong>&laquo;Ақтөбе&raquo;&nbsp;футбол клубының ойыншылары саунаға түсу үшін мемлекеттік бюджеттен 3 миллион теңге сұрап отыр. Мемлекеттік сатып алулар туралы порталда футболшылар жан рахаты үшін қажет нәрсенің барлығын сұраған.</strong></p> <p> Бұл туралы aktobetimes.kz хабарлайды.</p> <p> Goszakup.gov.kz сайтында "Футболшыларға сауықтыру және қалыпқа келтіру (монша, сауна) қызметтерін бөлу" туралы жазылған. Ақтөбелік ойыншылар жыл соңына дейін осы қызмет түріне қол жеткізбекші.</p> <p> Монша және сауна кешені үшін жылына 3 миллион теңге жұмсалады деп көрсетілген. Команда құрамындағы 35 адамға шаққанда, жыл сайын әрбір адамға 87 714 теңге, ай сайын 7 142 теңгеден келеді.</p> <p> Команда басшылығының айтуынша, саунадағы бір залдың құны сағатына 10-15 мың теңгеден аспауы керек. Яғни, люкс класты кешен қажет.</p> <p> Аталған кешенде сауна мен монша, 35 көлік сыятындай автотұрақ болуы керек. Сонымен қатар, кешен аумағы жасыл желекке оранып, көшелер жарықтандырылған болуы тиіс.</p> <p> "Бар аймақ қылқанды ағашпен, қайыңдармен, шетен жидегімен, жасыл желекпен көмкерілуі тиіс. Сонымен қатар, демалатын орындықтар болуы керек. Кешенде жақсы демалып, сауығу үшін кемінде үш сауна болуы қажет. 15-20 адамға арналған залда үлкен киім ілгіш шкаф, кондиционер, плазмалық теледидар және караоке болуы керек", - делінген порталда.</p> <p> Кешенде стильді дизайнерлік жабдықтар бар бөлме болуы қажеттігі де айтылған. Сондай-ақ, сауықтыру кешенінде фин саунасы мен орыс моншасы болуы керектігіне баса назар аударылыпты. Ароматерапия залы мен емен жапырағынан жасалған хош иісті сыпыртқылар да футболшылар үшін аса қажет екен.</p> <p> Одан бөлек, массаж жасайтын маманды да ұмытпаған. Команда басшылығы футболшылар үшін ерекше күтімдегі бассейн қажеттігін де айтқан.</p> <p> Басылым тілшісімен сұхбаттасқан өзге бір клубтың мүшесі "Ақтөбе" ойыншыларының қалауы тым қымбат екенін атап өтті.</p> <p> "Ақтөбеде" дубльдегі ойыншылардың әрқайсысына 200 мың теңге тұратын спорттық киім-кешек алып береді. Ал бізде дубль түгілі, негізгі құрамның ойыншыларына қажетті экипировка 120-140 мың теңгеден әрі аспайды", - деген ол басылым тілшісіне.</p> <p> Сондай-ақ, ол массажшы команда құрамында болатындықтан, оған босқа ақша шығындаудың қажеті жоқтығын айтты.</p> <p> &nbsp;</p> <p> &nbsp;</p> <p> news.nur.kz</p> <div> &nbsp;</div>