«Тобыл» қазақстандық футболшымен қош айтысты

Шабуылшы Оралхан Өміртаев пен «Тобыл» футбол клубы еңбек келісім-шартын бұзды. Бұл туралы клубтың баспасөз қызметі хабарлады.

Өміртаев командаға өткен маусымның басында келген болатын. Осы уақыт аралығында жас шабуылшы «сары-жасылдардың» сапында 19 матч өткізді. Еншісінде 2 гол бар.

«Тобыл» ФК ұжымы Оралханға алдағы спорт мансабында сәттілік тілейді.