«Реал» биыл Мбаппе және Холландпен ғана келіссөз жүргізеді

Мадридтік «Реал» биыл жазда трансфер жасауды жоспарлап отырған жоқ. Командаға жаңа ойыншылар қосылмайды. Бұл туралы Marca жазды.

Клуб басшылығы бас бапкер Карло Анчелоттиге тек ПСЖ шабуылшысы Килиан Мбаппе немесе «Боруссия» ойыншысы Эрлинг Холандпен келіссөз жүргізетінін хабарлаған. Егер екі ойыншымен бір шешімге келе алмаса басқа футболшыларды қарастырмайтынын жеткізген. 

Италиялық маман басшылықтың шешіміне түсіністікпен қарайтынын және қолда бар құраммен жұмыс істеуге дайын екенін мәлімдеген.