«Краснодар» ойыншысы Қазақстан клубынан ұсыныс түскенін жоққа шығарды

«Краснодар» ойыншысы Руслан Камболов қарағандылық «Шахтер» сапынан қызығушылық туралы пікір білдірді. 

«Мен бұл туралы ештеңе естімедім. Ұсыныс та түскен жоқ. Қазір бар ойым «Краснодармен» байланысты. Тек сосын мансабымды қайда жалғастыратыным жайлы ойланамын», — деді Камболов Metaratings.ru сайтына берген сұхбатында.

31 жастағы Камболов - Мәскеудің «Локомотивінің» түлегі. Ресейде футболшы «Локомотив», «Нефтехимик», «Нижний Новгород» және «Рубин» командаларында ойнады.