«Реалдың» алдағы жазда сатып алғысы келетін ойыншылары анықталды

<p> <strong>Мадридтік &laquo;Реал&raquo; алдағы жазда ойыншылар сатып алу үшін 200 миллион евро жұмсамақ. Ал бұл ірі көлемдегі қаржыға 4-5 ойыншыны сатып алу жоспарларында бар екен. Бұл туралы AS басылымы хабарлап отыр.</strong></p> <p> Испан басылымы таратқан ақпарат бойынша, Флорентино Перес түзген тізімге 5 ойыншы кіріпті. Тізімде алғашқылардың бірі болып, жақында ғана дортмундтық &laquo;Боруссиямен&raquo; келісімшартын ұзартқан Марко Ройстың есімі жазылған. Сонымен қатар, &laquo;корольдік клуб&raquo; басшысы өз командасының қатарынан &laquo;Ювентус&raquo; жартылай қорғаушысы Поль Погбаны, &laquo;МЮ&raquo; қақпашысы Давид Де Хеаны, &laquo;Порту&raquo; қорғаушысы Данилоны және &laquo;Валенсия&raquo; ойыншысы Хосе Луис Гайяны көргісі келеді екен. Осыған дейін &laquo;Тоттенхэм&raquo; клубының көшбасшысына айналып келе жатқан Хари Кейнге де мадридтік клуб қызығушылық танытып отырғаны туралы айтылған болатын. Бірақ, ағылшындық футболшы тізімге енбеген.</p> <p> Естеріңізге сала кетейік, Карло Анчелотти жаттықтыратын &laquo;Реал&raquo; Испания чемпионатының XXIV тур қорытындысы бойынша көш бастап тұр. Мадридтік клуб басты қарсыласы - &laquo;Барселонадан&raquo; 4 ұпайға озып келеді.</p> <p> &nbsp;</p> <p> &nbsp;</p> <p> Массагет.кз сайтынан</p>