Қазақстан Суперкубогы үшін өтетін ойынға Георгий Жуков қатыспауы мүмкін

<p> <strong>&laquo;Астана&raquo; жартылай қорғаушысы Георгий Жуков жарақатынан толық айыққан жоқ және ол Қазақстан Суперкубогы матчына қатыспауы мүмкін.</strong></p> <p> Жуков өткен маусымның аяғында чемпиондыққа таласқан &laquo;Астана&raquo; мен &laquo;Қайрат&raquo; матчының алдында тізесін жарақаттап алған еді. Жартылай қорғаушының алаңға қайта оралуы осы екі команданың Суперкубок үшін өтетін кездесуіне тура келуі ықтимал.</p> <p> Бас бапкер Станимир Стойлов ойыншыны қалпына келтіру үшін оқу-жаттығу жиынында ауыр жаттығулар мен жолдастық матчтардан босатты. Алайда, Георгий Жуковтың 1 наурыз күні жасыл алаңға шығу мүмкіндігі елу пайызға тең.</p> <p> Бұған дейін хабарланғандай, елордалық клубтың тағы бір өкілі Берік Шаихов жарақатына байланысты қатардан шығып қалды.</p> <p> Қазақстан Суперкубогы матчы 1 наурыз күні Астанада өтеді. Кездесу Астана уақытымен 15:30-да басталады. Тікелей эфир &laquo;Хабар&raquo; телеарнасынан жүргізіледі.</p>