Месси «Барселонада» қалады

Аргентина құрамасының шабуылшысы Лионель Месси «Барселонадағы» мансабын жалғастырады. Бұл туралы BeIn Sports журналисі Ашраф Бен Айяд мәлімдеді.

Дереккөздің мәліметінше, Месси каталониялық командада қалуды жөн көрген. Бұған дейін оған «ПСЖ» мен «Манчестер Ситиден» бірнеше мәрте ұсыныс түскен еді.

Айта кетейік, Месси биылғы маусымда Ла Лигада 35 матчта 30 гол мен 9 нәтижелі пастың авторы атанды.