«Астананың» экс-директоры сотталды
Нұр-Сұлтан қаласы Байқоңыр ауданының No2 соты<span> «</span><span>Астана» президенттік кәсіпқой спорт клубы»</span> Корпоративтік қоры» ФК-ның бұрынғы атқарушы директоры Аманбек Күлшіков пен «<span>Astana Pro Team» велокомандасы</span><span> </span>жекеменшік мекемесінің атқарушы директоры Ләззат Шамшиеваға және басқаларға<span> </span><span>қатысты қылмыстық іс бойынша үкім шығарды</span>, деп хабарлайды Prosports.kz тілшісі zakon.kz сайтына сілтеме жасап.
Сот мәліметі бойынша, Күлшіков пен Шамшиеваға велоспортты дамыту үшін<span> </span><span>екі компанияға берілген </span>109 миллион теңгені иемденді деген айып тағылды, олар бұл ақшаны өздері, отбасы мүшелері және<span> </span><span>велоспортқа ешқандай байланысы жоқ басқа адамдардың</span><span> </span>турфирма арқылы авиатасымалдау агенттігінен алған билеттеріне жұмсау арқылы жымқырды деп айыпталады (Қылмыстық кодекстің 189-бабы, 4-бөлігі, 2-тармақ).
Сонымен қатар, олар А.Чигитаеваның делдалдығымен оқу-жаттығу жиындарын және қ<span>азақстандық велокомандаларға арналған </span>басқа да іс-шараларды ұйымдастыру және өткізу бойынша қызметтер ұсыну үшін «Astana Pro Team» жекеменшік мекемесі мен чех компаниясы арасында жалған келісімшарт жасасу арқылы 700 мың еуроны жымқырды деп айыпталды (Қылмыстық кодекстің 189-бабы 4-бөлігі 2-б.).
Сондай-ақ, Күлшіков ЖШС-мен электронды менеджмент және басқару жүйесін дамыту, тапсырыс беруші мен спорттық клубтары үшін бірыңғай веб-сайт жасау бойынша келісімшарт жасасуда 45,6 миллион теңгені жымқырды деп айыпталды (<span>Қылмыстық кодекстің </span>189-баптың 2-тармағы, 4-бөлім, 2-тармақ).
Ал Шамшиеваға, өз кезегінде, ЖШС директоры К.Диханбаевтың көмегімен екі компанияға велосипедтер мен қосалқы бөлшектер жеткізуге бөлінген 102, 3 млн.теңге көлеміндегі қаражатты 2017-2019 жылдар кезеңінде «El Partners» ЖШС-мен жалған келісімдер жасау<span> арқылы жымқырды деп айыпталды </span><span>(Қылмыстық кодекстің 28-бабы 5-бөлігі және 189-бабы 4-бөлігінің 2-тармағы).</span>
Прокурор барлық айыпталушылардан 8 жылға бас бостандығынан, мемлекеттік және коммерциялық ұйымдарда жетекші қызметтер атқару құқығынан өмір бойына айыруды сұрады.
Қылмыстық кодекстің 189-бабы, 4-бөлігі, 2-тармағы белгілі бір лауазымдарды атқару құқығынан өмір бойына, мүлікті тәркілей отырып, 7 жылдан 12 жылға дейінгі мерзімге бас бостандығынан айыру түріндегі жазаны қарастырады. Сот үкімімен Шамшиева, Диханбаев және Чигитаева қаражатты талан-таражға салу жолымен жымқырғаны үшін кінәлі деп танылды (барлық эпизодтар бойынша).
«Іс бойынша Күлшіков әуе билеттері эпизоды бойынша өкілеттігін асыра пайдалануы тұрғысында кінәлі деп танылды, қалған эпизодтарда оның іс-әрекетінде қылмыстық құқық бұзушылық болмауына байланысты ақталды. Сот айыпталушылардың бірінші рет қылмыстық жауапкершілікке тартылғанын, келтірілген материалдық шығын толық көлемде өтелгенін, Күлшіковтың кәмелетке толмаған балалары болғанын ескерді; Шамшиеваға қатысты шын жүректен өкініш білдіруі және келтірілген зиянның орнын толтыруы, сондай-ақ әр сотталушының жасаған қылмыстарға қатысты рөлі мен дәрежесі де ескерілді», - делінген сот хабарламасында.
Сот үкімімен Күлшіковке мемлекеттік және басқа ұйымдарда жетекші лауазымдарды атқару құқығынан өмір бойына айыра отырып, 7 жыл бас бостандығын шектеу түрінде жаза тағайындалды.
Диханбаев пен Чигитаева Қылмыстық кодекстің 63-бабы бойынша шартты түрде 7 жылға бас бостандығынан айырылды.
Сонымен қатар, Ляззат Шамшиеваға қатысты сот ерекше мән-жайларды, атап айтқанда, шын жүректен өкініш білдіруін, келтірілген зиянның толық өтеуін, сондай-ақ қамқорлыққа мұқтаж қарт ата-анасының оған тәуелді болғандығын ескерді.
«Осыған байланысты Шамшиеваға жасаған қылмысы үшін қарастырылған жазадан жеңілірек түрі тағайындалды. Сот оған 7 жылға бас бостандығын шектеу, мемлекеттік және басқа ұйымдарда жетекші лауазымдарды атқару құқығынан өмір бойына айыру жазасын тағайындады. Сот істің жоғарыда көрсетілген жағдайларын ескере отырып, ең төменгі жазаны тағайындады», - деп түсіндірді соттағылар.
Сот үкімі заңды күшіне енген жоқ.