«Ойыннан дұрыс нәтиже шығаруымыз керек». Григорий Бабаян «Каспийге» қарсы матч туралы

Қостанайлық «Тобылдың» бас бапкері Григорий Бабаян «Каспийге» қарсы кездесуден (1:2) соң ойын туралы пікір білдірді, деп хабарлайды Prosports.kz клубтың баспасөз қызметіне сілтеме жасап.

<span>«Өте нашар матч өткіздік. Бірінші минуттан бастап техникалық қателіктерге бой алдырдық. Бұл, біріншіден, алаң сапасына байланысты. Бірақ ойынға дейін де алаңның мұндай жағдайда екенін жақсы білдік.</span><span> Сол себепті қорғаныста сауатты ойнау керектігін айттық. Өзіміздің қателігімізден соң кіргізіп алған бірінші гол бәрін бұзды. Жинақылық жоғалып, шашыраңқы ойнап кеттік, керісінше «Каспий» гол соғатын сәттерді үдете түсті.</span>

<span>Екінші таймда ойынға өзгеріс енгіздік, тың футболшыларды шығарып, ашық ойынға көштік. Алайда қарымта шабуыл кезінде гол енгізіп алдық. Бар күшімізді шабуылға жұмылдырғанымызбен уақыт аздық етті.</span>

<span>Меніңше, «Каспий» заңды тұрғыда жеңіске жетті. Біз ойыннан дұрыс нәтиже шығаруымыз керек. Егер ұпай алғымыз келсе, шабуыл мен қорғаныста сауатты ойнауымыз керек. Бұлай болмаған күнде жеңіске жету туралы әңгіме қозғау артық», - деді Бабаян.<br /></span>