Чемпиондар лигасы: Бензема Раульмен теңеседі

Чемпиондар лигасы жартылай финалының алғашқы матчында «Реал» мен «Челси» 1:1 есебімен тең ойнады, деп жазады Prosports.kz.

Алаң иелері сапынан Карим Бензема гол соқты. Бұл француз шабуылшысының Чемпиондар лигасындағы 71-голы болатын.

Осылайша, Бензема Чемпиондар лигасында соққан голдар саны бойынша «Реалдың» аңызы Раульді қуып жетті.

Айта кетейік, Рауль мен Бенземаның алдында үш ойыншы бар. Олар Криштиану Роналду (134), Лионель Месси (120) және Роберт Левандовски (73).