Қазақстандық футболшы Беларусь чемпионатында БАТЭ қақпасына гол соқты

Қазақстандық футболшылар ойнайтын «Энергетик-БГУ» Беларусь чемпионатының бесінші турында сырт алаңда БАТЭ-ден жеңілді, деп хабарлайды Prosports.kz. 

Кездесу алаң иелерінің пайдасына 2:1 есебімен аяқталды. «Энергетик» сапынан жалғыз голды қазақстандық Владислав Васильев пенальтиден соқты.  

Қонақтар сапында тағы бір қазақстандық Бақдәулет Зүлфикаров негізгі құрамда ойнаған, бірақ 32-минутта орнын әріптесіне босатты. 

Айта кетейік, «Энергетик-БГУ» бес матчтан кейін 4 ұпаймен 12-орында келеді.