«Қайсар» Түркістанда ұпай жоғалтты: «Тұран» тағы тосын сый жасады!
Премьер-лигаға жаңадан жолдама алған «Тұран» футбол клубы «Түркістан-Аренадағы» екінші матчын өткізді. Екінші және Бірінші лигада дау-дамайға ұрынған бұрынғы «Арыс» ойыншылары сол дәстүрден жаңылған жоқ. Команда бапкері мен кейбір ойыншылардың бірге жоғары дивизионға көтерілгенін ескерсек, бұл таңғаларлық жағай мес. Бірінші турда «Астанамен» тең ойнаған түркістандықтар үшінші турда «Қайсарды» қабылдады, деп жазады Prosports.kz.
Бұл жолы жаңа стадионның көгалы жауын-шашынға дайын болды, жаңбыр ойын сапасына әсер еткен жоқ.
«Қайсар» сапында тәжірибелі Мақсат Байжановқа көп назар аударылды, капитан шынымен жоғары деңгейлі ойын көрсетті. Сондай-ақ, орталық қорғаушы қорғаушы Усман Ндиайе де керемет матч өткізді.
Алғашқы минуттардан бастап «Тұран» ойын тізгінін қолына алды. Жанкүйерлердің қызу қолдауына сүйенген ойыншылар қонақтар қақпасына лап қойды. «Арыс» кезінен бастап жанкүйерлердің сүйіктісіне айналған жас нигериялық Стенли Нкоби ерекше көзге түсті. Форвард гол соқпаса да, көп жұмыс жасады. Ол алаңдағы орнын Темірлан Әміровке босатып берген кезде жанкүйерлер қошеметі осының белгісі.
«Тұранның» бапкерер алқасы осы өзгерісті дұрыс жасаған екен. 23 жастағы шабуылшы 90-минутта Залескийдің дәл пасын пайдаланып, Әміров қақпаның алыс бұрышын дәл көздерді.
Бірақ «Қайсар» ойыншылары тез еңсе тіктеп, тез арада есепті теңестірді. Кеңесов қапталдан берілген пасты шеберлікпен қақпаға бағыттап, гол соқты. Осылайша, қызылордалықтар Түркістаннан бір ұпай еншілеп қайтты.
«Тұран» осы маусымда бір рет жеңіліп, екі мәрте тең ойнады. Ал «Қайсар» бүгін маусымдағы алғашқы ұпайын алды.
Келесі турла түркістандықтар Алматыда ел чемпионы «Қайратпен» кездеседі. Ал «Қайсар» өз алаңында «Каспийді» қабылдайды.
«Тұран» - «Қайсар» 1:1 (0:0)
Гол соққандар: Әміров Темірлан 90 (1:1) , Кеңесов Арман 90+3 (1:1) .
Ескерту алғандар: Янкович Бранислав 62, Кеңесов Арман 62., Чадженович Йован 63, Керімжанов Олжас 85.
«Тұран»: Пасеченко Андрей, Живкович Стефан, Залеский Андрей, Керімжанов Олжас, Максымхан Шынболат (к) (Деобальд Павел 73), Нкоби Чисом Стэнли (Әміров Темірлан 82.), Нөсербаев Таңат, Адамс Лайонел, Стоянович Милан (Бейсенов Бекзат 82), Таипов Касым, Янкович Бранислав.
Резерв: Алипбеков Бекжан, Бочаров Никита, Бурибаев Нургайни, Даиров Нурлан, Куантаев Ермек, Мухамед Алияр, Павлов Станислав, Смирнов Евгений, Чиж Александр.
«Қайсар»: Леонов Артем, Денкович Стефан (Махан Оркен 83), Кадимян Гегам (Алтаев Олжас 59), Карпович Сергей, Кенесов Арман, Курманбекулы Бекзат (Абзалов Шохан 75), Лаукжемис Каролис, Байжанов Максат (к), Н'диайе Усман, Потапов Егор, Чадженович Йован.
Резерв: Алтынбеков Елжас, Балымбетов Самат, Исламкулов Марсель, Сарбай Елжас.
Төрешілер: Омаров Рустам (Алматы), Виноградов Денис, Бейжанов Рустам (Петропавл)
04 сәуір, 2021, 18:00. Түркестан, «Түркестан Арена». 2000 көрермен.