Ресми: Абат Айымбетов - «Астана» футболшысы

Бүгін «Астана» футбол клубымен Қазақстан ұлттық құрамасының шабуылшысы Абат Айымбетов келісімшарт жасасты. Бұл туралы елордалық клуб ресми хабарлады.

Өзінің кәсіби мансабын «Ақтөбе» командасында бастаған Абат Қазақстан чемпионаты мен Суперкубогын жеңіп алды, сондай-ақ еурокубоктарға да қатысып үлгерді.

«Ақтөбеден» кейін Аймбетов «Қайрат» сапына ауысты. Онда шабуылшы чемпионаттың үздік сұрмергені атанып, алтын жүлдеге қол жеткізеді. Қыста Абат Ресейдің ФНЛ-ында ойнайтын «Крылья Советов» клубына ауысқан еді.

Шабуылшы Қазақстан ұлттық құрамасы үшін 13 ойын өткізіп, 2 гол соқты. Абат елордалық команданың сапында жазғы трансферге дейін жалға ойнайды.