Видео. Қазақстан құрамасы Киевте жаттығу өткізді

Қазақстан құрамасының футболшылары Киевтегі «Олимпийский» ұлттық стадионында 2022 жылғы әлем чемпионатының іріктеу турниріндегі Украинамен матч қарсаңында жаттығу өткізді, деп хабарлайды Prosports.kz.

Жаттығудың видеосын Қазақстан футбол федерациясы әлеуметтік желідегі парақшасында жариялады.

Алдағы Украинамен болатын кездесу Қазақстан ұлттық құрамасы үшін осы іріктеу циклындағы екінші болады. Бірінші матчта отандастарымыз Франция құрамасынан 0:2 есебімен жеңіліп қалды. Украиндықтар екі рет тең ойнады - Франциямен және Финляндиямен. Екі ойын да 1:1 есебімен аяқталды.