Зайнутдиновтың командасында бас бапкер ауысты

«Чемпионат» порталының мәліметіне сенсек, ЦСКА-ның бұрынғы шабуылшысы Ивица Олич Мәскеу клубымен келісімшартқа отырды, деп хабарлайды Prosports.kz.

Хорват ертең команданың жаңа бас жаттықтырушысы ретінде ресми түрде таныстырылады.

Еске салайық, Олич ЦСКА-да 2003-2006 жылдары ойнаған. Ол қазір Хорватия құрамасында бас бапкердің көмекшісі болып жұмыс істейді.

Сондай ақ, мәскеулік клуб сапында Қазақстан құрамасының футболшысы Бактиер Зайнутдинов ойнайды.