«Екібастұзға» жаңа бас бапкер тағайындалды

Виталий Спарышев «Екібастұз» футбол клубының бас бапкері болып тағайындалды, деп жазады Prosports.kz.

Бұл туралы клубтың баспасөз қызметі хабарлады.

Виталий Иванович ойыншы ретінде Қазақстан чемпионы (1999), күміс жүлдегер (1993, 1998) болған. Бұған дейін Спарышев «Екібастұзды» жаттықтырған. PRO лицензиясы бар.

Сергей Якушин бас бапкердің көмекшісі болып тағайындалды. Ол «Екібастұздың» жаттықтырушылар құрамына 2019 жылдан бері қызмет істеп келеді.