«Бүгін озық шықтық». Мокин «Қайратқа» қарсы матч туралы

Қазақстан Суперкубогының жартылай финалында «Қайратқа» қарсы ойыннан кейін «Тобыл» қақпашысы Александр Мокин шағын сұхбат берді, деп хабарлайды Prosports.kz.

<span>«Алдымен, Қостанай облысының жанкүйерлерін осындай маңызды жеңіспен құттықтағым келеді. Ойын өте мазмұнды және қызықты өтті.</span>

<span>Алғашқы минуттардан бастап біз ауыр матчқа дайындалдық. «Қайрат» – жоғары дәрежедегі орындаушылары бар жақсы команда, бірақ бүгін озық шықтық. Осындай оңайға соқпайтын матчта жеңіске жетудің өзі мәртебе.</span>

<span>Жігіттер өздерінің шынайы қуанышын көрсетті. Олар үшін қуаныштымын. Өкінішке қарай, елдегі қалыптасқан жағдайға байланысты біздің жанкүйерлер бүгін «Тобылдың» матчына келе алмады, бірақ біз олардың қолдауын сездік.</span>

<span>Баршаңызды биылғы алғашқы жеңісімізбен құттықтаймын!», - деді Мокин клуб баспасөз қызметіне. </span>