Асхат Қалжанов: «Мен үшін жанкүйерлердің мүддесі маңыздырақ»
<p>
<strong>«Ақтөбе» футбол клубының жаңа баспасөз-хатшысы Асхат Қалжанов «<a href="http://prosportkz.kz/kz/">PROСПОРТ</a>» тілшісіне шағын сұхбат берді.</strong></p>
<p>
–<strong>«Ақтөбе» жаңа жыл басталғалы ешқандай трансфер жасаған жоқ. Жақында ғана Шандао мен Феррейраны алуы мүмкін деген ақпарат шықты. Бұл қаншалықты рас?Клубқа байқауға келетін ойыншылар бар ма?</strong></p>
<p>
– Шандао мен Ферейра бізге ауысуы мүмкін екенін жоққа шығармаймыз және де растамай алмаймыз. Нақты және толық ақпаратты «Ақтөбенің» ресми сайтынан оқи жатарсыздар жақында.</p>
<p>
–<strong> «Ақтөбенің» оқу-жаттығу жиынындағы спарринг- қарсыластары кім болады?</strong></p>
<p>
– Осы оқу-жаттығу жиынында екі немесе үш жолдастық кездесу өткіземіз. Қарсыластарымыздың нақты кім болатыны жақын арада анықталады.</p>
<p>
<strong>– Алдағы маусымға клуб қандай мақсат қойып отыр?</strong></p>
<p>
– Маусымның басында жиналыс өтіп, қойылатын мақсаттар айтылады. Олардың бірі, әрине – Еуропа лигасының топтық кезеңіне жолдама алу. </p>
<p>
<strong>– Ресми сайттарыңыздың келбеті өзгеріпті. Ақтөбелік жанкүйерлерге баспасөз хатшысы ретінде тағы да қандай өзгеріс алып келу ойыңызда бар?</strong></p>
<p>
– Өзгерістер, әрине, болады. Оны уақытында білесіздер. Қазір көз тимес үшін, ештеңе айтпай-ақ қояйын.</p>
<p>
<strong>– Бұрын Марат Жұмабаев хатшы қызметін атқарып стадионның дикторы болған. Биыл медиа-офицер болып сіз тағайындалдыңыз, стадион дикторы қызметін Азамат Айнағұлов атқаратын болды. Бұл клубтың шешімі ме?</strong></p>
<p>
– Жоқ, бұл менің шешімім. Басшылықпен солай келістім. Диктор болғым келмейтін негізгі себеп – әр адам өз ісінің шебері болуы тиіс. Азамат Айнағұлов Марат Жұмабаевтың жетістігін қайталауы керек. Шынымды айтсам, қосымша қаржы көзі ретінде бұл қызметке де қызыққанмын, бірақ мен үшін жанкүйерлердің мүддесі маңыздырақ. </p>
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или