Қазақстандық екі футболшы қырғыз клубында ойнайды

Қырғызстанның «Кара-Балта» футбол клубы солтүстікқазақстандық «Рузаевка» клубында ойнаған екі қазақстандық ойыншы - Рахат Қанат және Иосиф Пафенгутпен келісімшарт жасасты, деп хабарлайды Prosports.kz.

Қазақстандық футболшылар «Қара-Балтада» алғашқы кездесуін өткізіп үлгерді, ал Пафенгут тіпті дубль авторы атанды. Қырғызстанның қысқы чемпионатында ол «Алға-2» ФК қақпасына екі гол соқты.

«Қара-Балта» 1 наурызда басталатын Ала-Тоо кубогына дайындалып жатыр.