«Тараз» сапына бес футболшы қосылды
«Тараз» футбол клубы сапына бес футболшы қосылды, деп хабарлайды<span> </span>Prosports.kz тілшісі клубтың баспасөз қызметіне сілтеме жасап.
<span>Жаңа футболшылар қатарында Берік Шаихов, Педру Мигель Эужениу, Коджо Альфонсе, Фэйт Обилор, Ненад Адамович бар.</span>
<span>«Оле Бразил» академиясында тәлім алған Берік Шаихов биылғы футбол маусымында «Тараз» намысын қорғайды. Бүгін 27 жасқа толған Берік Шаихов футболдағы мансабын 2012 жылы «Астана-1964» командасында бастаған. Әр жылдары «Жетісу», «Астана», «Ертіс», «Шахтер» секілді командаларда ойнаған. Былтыр «Қызылжар» сапында өнер көрсетті.<br /><br />Португалиялық жартылай қорғаушы Педру Мигел Эужениу да «Тараз» сапына алынды. 30 жастағы ойыншы Португалия, Болгария, Түркия елдерінің бірқатар біріншіліктерінде өнер көрсеткен. Былтыр «Жетісу» командасында 11 матчта 4 гол соққан. «Берое» командасымен Болгария кубогы мен Суперкубогын иеленген.<br /><br />Сондай-ақ, «Тараз» Кот-д'Ивуарлық жартылай қорғаушымен толықты. 27 жастағы Коджо Альфонсе бұған дейін «Арарат-Армения» сапында 55 матч өткізіп, үш рет гол авторы атанған. Әр уақытта португалиялық «Фейренси», «Жил Висенте», «Миранделла» секілді клубтарда өнер көрсеткен. 2 рет Армения премьер-лигасын, бір рет сол елде Суперкубок жеңімпазы болған. Германиялық Трансфермаркет сайты Коджоның бағасы 350 мың евро деп көрсетеді.<br /><br />«Тараз» нигериялық қорғаушы Фэйт Обилормен келісімге келді. Ол Финляндия біріншілігінде 10 жыл «ХИК», «Интер», «РоПС» клубтарында ойнаған. 2020 жылы ақпанда «Шериф» сапына ауысқан. Бұл клубта мүмкін болған 20 матчтың 17-не қатысқан. Трансфермаркет сайты ойыншының бағасын 250 мың евро деп көрсеткен.<br /><br />Сербиялық жартылай қорғаушы Ненад Адамович те жамбылдық клуб сапына ауысты. Соңғы екі футбол маусымында «Жетісу» командасында 48 матч өткізген ол Сербия U-19 жастар құрамасында 13 рет алаңға шыққан. Сондай-ақ, «Хайдук», «Динамо» (Минск), «Витебск» командаларында өнер көрсеткен. 2014 жылы Белоруссия чемпионатының үздік сұрмергені атанған. 2014-2016 жыл аралығында Еуропа лигасында 12 матч ойнап, чехиялық «Виктория» командасына жеңіс голын (1-0) соққан.</span>