«Қайсардың» бюджеті бекітілді. Үкімет белгілеген мөлшерден әлдеқайда көп
Қызылорда облысының дене шынықтыру және спорт басқармасы «Қайсардың» 2021 жылғы маусымға арналған бюджетін бекітті, деп хабарлайды Prosports.kz.
Мемлекеттік сатып алу веб-сайтында қазірдің өзінде ресми ақпарат бар. Әкімдік «қасқырларға» 1 миллиард 663 миллион теңге бөледі. Бұл Қазақстан Республикасының үкіметі бұрын бекіткен мөлшерден көп - 1,2 млрд.
Қызылордалықтар шығындарын азайтуға мәжбүр болады. Себебі өткен маусымда олар мемлекеттік бюджеттен 2,6 миллиард қаражат алңан еді.
Естеріңізге сала кетейік, бұған дейін Қазақстан Президенті Қасым-Жомарт Тоқаев кәсіпқой спортқа мемлекеттік шығындарды азайту керектігін айтқан болатын. Шенеуніктер футбол клубтарына бөлінетін мемлекеттің ақшасын жылына 800 миллион теңгеге дейін қысқартуды ұсынды. Кейінірек, ҚФФ-ның күшімен бұл сома 1,2 миллиардқа жетті.