«Ордабасыда» «Браганың» бұрынғы ойыншысы қаралымнан өтіп жүр

Нигериялық ойыншы Чиди Осучукву «Ордабасы» командасында қаралымнан өтіп жүр. Бұл туралы клубтың баспасөз қызметі хабарлады.

27 жасар жартылай қорғаушының мансабын нигериялық «Гейтвей» командасында бастады. 2010 жылы «Долфинс» сапында Нигерия чемпионы атанады. Артынша Португалияның «Брага» командасына ауысады. 2017 жылы Чиди бресттік «Динамомен» келісімшартқа отырады.

Ал 2019 жылы, дәл сол Брест қаласының тағы бір командасы «Рухқа» ауысады. Келесі жылы ФНЛ-де өнер көрсететін «Том» клубының ойыншысы атанады.