«Боруссия М» - «Манчестер Сити» матчы Будапештте өтеді

Чемпиондар лигасының 1/8 финалы аясындағы «Боруссия» (Менхенгладбах) - «Манчестер Сити» матчы Венгрияның Будапешт қаласында өтеді, деп жазады Prosports.kz.

Бұл туралы УЕФА-ның ресми сайты 8 ақпанда мәлімдеді.

Оның себебі - Германиядағы коронавирусқа байланысты қатаң шектеулер.

Ойын жоспар бойынша 24 ақпанда елорда уақытымен 02:00-де басталады.

Айта кетейік, бұған дейін Будапешттегі «Пушкаш Аренада» «Лейпциг» — «Ливерпуль» матчы өтетіні белгілі болған.