Денис Колодин ҚПЛ клубына қосылды

Meta-ratings.kz сайтына белгілі болғандай, Ресей құрамасының және Мәскеудің «Динамосының» бұрынғы қорғаушысы Денис Колодин «Қызыл-Жардың» жаттықтырушылар құрамына кірді.

39 жастағы маман клубтағы қорғаныс ойыны мен қорғаушылардың әрекеті үшін жауап береді. Ол қазірдің өзінде команданың орналасқан жеріне келіп, жұмысын бастады.

Колодинді қазақстандық жанкүйерлер жақсы біледі. Ол «Алтайда» қазіргі петропавлдықтардың бас бапкері Андрей Карповичпен бірге ойнап, футбол мансабын аяқтады.

Бұған дейін Колодин Химки академиясында жаттықтырушы лауазымында жұмыс істеді және «Спартак», ЦСКА және «Динамо» академияларының жақсы ұсыныстарына қарамастан, <span>«Қызыл-Жардың»</span> ұсынысын қабылдады.