«Қайсардың» жастар командасын жергілікті маман жаттықтырады

«Қайсар» футбол клубының Екінші лигада бақ сынайтын «Қайсар U-21» командасына жаңа бас бапкер тағайындалды, деп хабарлайды Prosports.kz.

Бұл туралы қызылордалық клубтың баспасөз қызметі ресми хабарлады.

«Қайсардың» жастар командасын жергілікті маман Қайрат Әлиев жаттықтырады.

Қайрат Әлиев - Қызылорда футболының түлегі. Ол ойыншы ретінде «Қайсар», «Шахтер», «Гефест», «Ақжайық» клубтарында ойнаған.

Айдос Байтенов Қайрат Әлиевтің көмекшісі қызметін атқарады.