Қазақстандық клубтар ОЖЖ елімізде өткізеді

Қазақстандық клубтар келер маусымға дайындығын шетелде емес, елімізде өткізуі мүмкін. Бұл туралы KazFootball.kz сайты хабарлады.

Коронавирус пандемиясының салдарынан әлі күнге дейін көптеген елдің шекарасы жабық. Оған қоса командалар қаржылай қиындыққа ұшырады.

Әзірге қазақстандық клубтар алғашқы оқу-жаттығу жиынын базада, ал екінші және үшінші ОЖЖ ауа-райы қолайлы Алматы, Шымкент, Тараз және Ақтау қалаларында өткізуі мүмкін.