Зайнутдинов қазақстандық футболшылар арасында Transfermarkt-те рекорд орнатты

Prosports.kz-тің эксклюзивті серіктесі Transfermarkt порталы Ресей премьер-лигасының футболшылары туралы мәліметтерді жаңартты.

Қазақстанның төрт өкілі Ресейдің жоғарғы дивизионында ойнайды: Бахтиер Зайнутдинов Мәскеудің ЦСКА командасында, Марат Быстров «Ахматта», Исламбек Қуат «Химкиде», ал Акмал Бахтияров «Сочиде»  өнер көрсетеді.

Зайнутдиновтың «армияшылар» сапындағы тамаша өнері ұлттық құрамамыздың жартылай қорғаушысының нарықтық құнын 3,5 миллион еуроға дейін арттырды - бұл қазақстандық футболшылар үшін абсолютті рекорд.