УЕФА тарихи рейтингі: Қазақстан клубтары нешінші орында?

УЕФА ресми сайты Еуропа чемпиондары кубогы мен Чемпиондар лигасы тарихындағы үздік командалардың рейтингін жариялады.

445 матчта 265 жеңіске жеткен «Реал» көш басында тұр. Одан кейін «Бавария» жайғасты. Үштікті «Барселона» түйіндеп тұр.

Одан кейінгі орындарда командалар мына ретпен жайғасқан: «Манчестер Юнайтед», «Ювентус», «Милан», «Ливерпуль», «Бенфика», «Порту» және «Аякс».

Қазақстан клубтарының арасында «Астана» үздік көрсеткішке ие. Елордалық команда 107 орында тұр. Одан кейін «Ақтөбе» (145), «Шахтер»(230), «Астана-64» (300), «Қайрат» (371), «Ертіс» (422) және «Тобыл» — (432) жайғасты.