«Қызыл-Жардың» бас бапкері қызметінен кетті

«Қызыл-Жар» бас бапкері Вячеслав Руснак өз қызметінен кетуге шешім қабылдады, деп хабарлайды Prosports.kz Meta-ratings.kz сайтына сілтеме жасап.

Молдовалық маман Руснак клуб басшылығымен байланысып, отбасылық себептермен жұмысын жалғастыра алмайтынын айтты.

Естеріңізге сала кетейік, «Қызыл-Жар» ҚПЛ-нің өткен маусымында 20 турдан кейін 23 ұпай жинап, турнир кестесінде тоғызыншы орынды иеленген болатын. Петропавлдық клуб келер маусымда да Премьер-лигада бақ сынайды.