АПЛ: «Манчестер Юнайтед» қонақта жеңіске жетті

Англия чемпионатының 13-турында «Манчестер Юнайтед» сырт алаңда «Шеффилд Юнайтедпен» кездесіп, матч барысында жеңіліп жатса да, үш ұпайға қол жеткізді, деп хабарлайды Prosports.kz.

«Қызыл сойқандар» сапынан Маркус Рэшфорд екі доп,  Антони Марсьияль бір доп соқты. Алаң иелері сапынан Давид Макголдрик дубль авторы атанды. Матч 2:3 есебімен аяқталды.

Осы ойыннан кейін 23 ұпай жинаған «МЮ» турнир кестесінде бесінші орынға көтерілді. «Шеффилд Юнайтед» бар болғаны бір ұпаймен соңғы орынға жайғасқан.