АПЛ матчы алғаш рет VR-форматта көрсетіледі

Ағылшын Премьер-лигасының матчы тарихта алғаш рет VR технологияларын (виртуалды шынайылық) пайдалана отырып көрсетіледі, деп хабарлайды Prosports.kz Sky Sports-қа сілтеме жасап. 

Жанкүйерлер <span>«Тоттенхэм» - «Лестер»</span> матчын аталған форматта көре алады. Трансляция британдық Sky Sports брендінің Sky Worlds платформасында ұсынылады. Компанияның айтуынша, көрермен футбол матчын стадионда көріп отырғандай әсер алады.

Матчты көру үшін Sky қызметіндегі VIP-жазылудың иесі болу және Oculus Quest VR көзілдірігін пайдалану қажет.

Матч 20 желтоқсанда өтеді.