Дауға айналған «ПСЖ» - «Истанбул Башакшехир» матчы бүгін жалғасады

УЕФА Чемпиондар Лигасы «ПСЖ» - «Истанбул Башакшехир» матчының басында үлкен жанжал орын алды. Екі команданың футболшылары төртінші төрешіні нәсілшіл деп айыптап, алаңнан кетіп қалды, деп хабарлайды Prosports.kz.

Матч делегаты ойыншыларды алаңға оралуға көндіруге тырысты, бірақ келіссөздер нәтиже бермеді. Париждегі матч қайта жалғаспады.

Бірақ кейбір мәліметтер бойынша резервтегі төреші Себастьян Чолтеску Окан Буруктың көмекшісі Пьер Вебоға тіл тигізген. Осыдан кейін «Истанбулдың» шабуылшысы Демба Ба қосалқы төрешіге өзінің наразы екенін айтқан.

УЕФА шешімі бойынша матч бүгін өтеді.