«Қайрат» Түркияда, кейін БАӘ-де жиын өткізеді

<p> <strong>&laquo;Қайрат&raquo; 7-19 қаңтар арасында Түркияның Анталья қаласында оқу-жаттығу жиынын өткізеді, деп хабарлайды&nbsp;&laquo;<a href="http://prosportkz.kz/kz/">PROСПОРТ</a>&raquo;.</strong></p> <p> Ал екінші жиын 26 қаңтар мен 7 ақпан арасында Біріккен Араб Әмірлігінде өтеді деп жоспарлануда. Абу-Даби қаласында алматылық ұжым бірнеше жолдастық матч өткізеді. Баспасөз қызметінің мәліметіне сүйенсек, халықаралық турнирге де қатысып қалуы мүмкін.</p> <p> Кейін ел кубогының иегерлері 10 ақпанда қайта Антальяда жиналады. Бұл жақта жаңа маусым алдындағы дайындықтарын пысықтайды. Сонымен қатар, тағы бірнеше жолдастық матчтар өткізу жоспарланған.</p> <p> Айта кетейік, бас бапкердің көмекшісіне үміткер ретінде оқу-жаттығу жиынына қазақстандық маман Константин Горовенко шақырту алды. Ол бұған дейін &laquo;Сұнқар&raquo; клубы мен &laquo;Қайраттың&raquo; академиясында қызмет атқарған.</p> <p> <em>Kazsport.kaztrk.kz сайтының материалы бойынша</em></p>