Коронавирус жұқтырған «Қайраттың» футболшылары жазылды

Коронавирус жұқтырған «Қайраттың» футболшылары Нұрәлі Әліп пен Сұлтанбек Астанов аурудан жазылды.

12 қазан күні ҚФФ баспасөз қызметі екі футболшының тесті оң нәтиже көрсеткенін хабарлаған. Артынша алматылық клуб коронавирус жұқтырған футболшылар тез арада оқшауланғанын мәлімдеді.

Бүгінде футболшылардың тапсырған екі бірдей тесті коронавирустың жоқ екенін көрсетті. Футболшылар алдағы уақытта командаға қосылады.