Әшірбеков: Өз алаңымызда Албаниядан ұтылмауымыз керек
Футболдан Қазақстан ұлттық құрамасының бұрынғы ойыншысы Қайрат Әшірбеков Prosports.kz сайтына берген сұхбатында Қазақстан ұлттық құрамасының Албания және Беларусь құрамасымен болатын матчтарға болжам жасады.
- Өз елімнің нағыз патриоты ретінде мен әрдайым біздің ұлттық құрамаға сенемін және қолдаймын.
Бапкерлер құрамы ойыншыларға 2 күн демалуға уақыт берді. Біріншіден, бұл дұрыс шешім деп ойлаймын. Мен Қазақстан чемпионатының барлық ойындарын көрдім. Соңғы матчтарда барлық ойыншылардың шаршағандықтары байқалды.
Өз алаңымызда Албаниядан ұтылмауымыз керек. Әрине, жігіттерге оларды алға жетелейтін біздің жанкүйерлер жетіспейді. Беларусьпен кездесуге келетін болсақ, біздің ойыншылар Алматыдағы жеңілісі үшін есе қайтаруы керек. Меніңше, өз алаңымызда кемі тең нәтижеге лайықты болдық.