Пол Эшуорт атқарушы директор қызметіне оралды

«Астананың» бас бапкері міндетін уақытша атқарған Пол Эшуорт команданың нашар көрсеткішінен соң атқарушы директор қызметіне оралды. Бұл туралы журналист Айдын Қожахмет хабарлады.

– Пол Эшуорт бұдан былай «Астананың» бас бапкері міндетін атқармайды. Ол бұрынғы, атқарушы директор қызметіне оралды.

Бірақ ол бұл қызметінде де ұзақ болмайтын секілді. Қазір жаңа жаттықтырушыны іздестіріп жатыр, – деп жазды журналист.

Айта кетейік, «Астана» осы маусымда еурокубокта да, ішкі біріншілікте де сәтсіз өнер көрсетіп жүр. Елордалықтар әуелі Чемпиондар лигасынан, сосын Еуропа лигасындағы жарыс жолын тоқтатты. ҚПЛ-да көш басындағы «Қайраттан» тоғыз ұпайға қалып келеді.