Өзбекстандық ойыншы Италия А сериясында өнер көрсетеді

Өзбекстандық шабуылшы Элдор Шомуродов Италияның «Дженоа» клубына ауысты, деп жазады Prosports.kz.

Бұл туралы оның бұрынғы командасы «Ростов» ресми мәлімдеді.

Эльдор Шомуродов «Ростовқа» 2017 жылы ауысқан. Ресейлік клуб сапында 3 жылда 91 кездесуге қатысып, 18 гол соқты. 

Sport-Express басылымының хабарлауынша, «Дженоа» ойыншы үшін 9 миллион еуро төлеген көрінеді.

Айта кетейік, «Ростовта» бұған дейін қазақстандық жартылай қорғауш Бахтиер Зайнутдинов өнер көрсеткен болатын.