«Қайсар» – АПОЭЛ матчына кімдер төрелік етеді

Еуропа лигасының екінші іріктеу кезеңі аясында өтетін «Қайсар» – АПОЭЛ матчына қазылық жасайтын төрешілер анықталды, деп жазады Prosports.kz.

Бұл кездесуге даниялық төрешілер тобы қызмет етеді. Бас төреші Йенс Мое, оған қос қапталдан отандастары Хейне Серенсен мен Еспер Даль көмектеседі. Қосалқы төреші - Мортен Крог.

Айта кетейік, матч 17 қыркүйек күні Шымкент қаласында өтеді. Ойын Нұр-Сұлтан уақытымен 18:00-де басталады.