Украиналық шабуылшы «Каспий» сапына қосылды

Украиналық шабуылшы Максим Марусич «Каспий» командасына ауысты.

27 жастағы футболшы клубпен жыл соңына дейін келісімшартқа отырған. Максим Марусич «Каспийге» еркін агент ретінде қосылды.

Прибалтикада шабуылшы «сұрмерген» деген атаққа ие. Латвияда Марусич РФШ және «Елгава» командаларында ойнады (42 матч, 19 гол және 5 нәтижелі пас).

Украиналық ойыншы Литвада да өнер көрсетті. «Лиетава» сапында 32 матчқа қатысып, 8 гол соғып, 6 нәтижелі пас берген.