«Сарапшылар тамсанып тамашалайды». Зайнутдиновтың ойыны Ресейде жоғары бағаланады

Sportbox журналисі Дильшад Ломовских өзінің РПЛ трансферлеріне арналған мақаласында қазақстандық жартылай қорғаушы Бахтиер Зайнутдиновтың «Ростовтан» ЦСКА-ға ауысуына баға берді, деп хабарлайды Prosports.kz.

«Қазақстандық футболшы - Валерий Карпин баптайтын «Ростовтың» таланттарының бірі болды. Оның өткен маусымның соңғы және осы маусымның басындағы көрсеткіші көптеген сарапшыны тамсантып отыр. Ол - өте еңбекқор. Ол «Спартакқа» (екі рет) және «Зенитке» гол соқты. Карпиннен мақтау сөздер естіді. ЦСКА-дағылар оны сатып алғанына қуанышты, дегенмен ол тек бір матч өткізді. Гончаренконың оған сенім артып отырғаны бірден түсінікті болды. Оның үстіне Зайнутдинов РПЛ-да легионер болып саналмайды», - деп жазды Ломовских.

Еске сала кетелік, 26 тамызда Зайнутдинов жаңа командада дебют жасады.