Чемпиондар лигасы: «Барселона» - «Бавария» кездесуі өтеді
Бүгін, 14 тамыздан 15 тамызға қараған түні Чемпиондар лигасы ширек финалының үшінші матчы өтеді, деп жазады Prosports.kz.
УЕФА коронавирустың қаупін төмендету үшін Чемпиондар лигасының матчтарын Португалияда өткізуге шешім қабылдаған.
Жартылай финалға берілетін кезекті жолдаманы испаниялық «Барселона» мен германиялық «Бавария» сарапқа салады.
Кездесуді QAZSPORT телеарнасы тікелей эфирде көрсетеді. Матч Нұр-Сұлтан уақытымен 1:00-де басталады.
Айта кетейік, бұл кезеңде командалар бір матчтан ғана өткізеді. Барлық ойындар Лиссабонда өтеді.
1/4 финалдық кездесулердің нәтижесі және өтетін уақыты:
12 Тамыз
«Аталанта» – «ПСЖ» - 1:2
13 тамыз
«РБ Лейпциг» – «Атлетико» - 2:1
14 тамыз
«Барселона» – «Бавария»
15 тамыз
«Манчестер Сити» – «Лион».
