Любомир Михалик: «Қайраттағы» әрбір ойын, ұпай, гол, - бәрі бәрі есте қалады»

<p style="text-align: justify;"> <strong>Жуырда ғана &laquo;Қайрат&raquo; футбол клубынан кеткен словакиялық тәжірибелі қорғаушы Любимор Михалик &laquo;PROСПОРТ&raquo; тілшісіне берген сұхбатында ел біріншілігі жайлы және отандық төрешілердің жұмысына наразы екенін білдірді.</strong></p> <p style="text-align: justify;"> <strong>&laquo;Қайраттан&raquo; кетуы жайлы</strong></p> <p style="text-align: justify;"> &laquo;Қайраттан&raquo; кетуімнің басты себебі &ndash; команда басшылығының жас ойыншыларға үміт артуы. Сондай-ақ, клуб қазақстандық футболшылардың көп болғанын қалайды. Өзімді жаспын деп айта алмаймын және пасспорттым өзге елдікі. Командаластарымды сағынатын болдым. Бірақ, осымен өмір тоқтап қалмайды. Алға жылжу керек.</p> <p style="text-align: justify;"> <strong>Жаңа командасы туралы</strong></p> <p style="text-align: justify;"> Алматылық командадан кеткенім енді ғана. Сондықтан ешкіммен трансфер жайлы сөйлескен жоқпын. Бірақ ұсыныстар бар екенін жасырмаймын. Асығудың қажеті жоқ деп санаймын, өзіме қолайлы команданы таңдармын.</p> <p style="text-align: justify;"> <strong>&laquo;Қайрат&raquo; сапындағы естен кетпес сәттер туралы</strong></p> <p style="text-align: justify;"> &laquo;Қайрат&raquo; сапында жүргендегі ең ұмытылмас сәт &ndash; сәбиімнің дүниеге келуі. Ал ойын жағынан қарасақ, ол &ndash; Қазақстан кубогындағы жеңісіміз. &laquo;Қайраттағы&raquo; әрбір ойын, ұпай, гол, - бәрі бәрі есте қалады. Жанкүйерлерді де ерекше атап өткім келеді.</p> <p style="text-align: justify;"> <strong>Есте қалған жаман сәттер хақында</strong></p> <p style="text-align: justify;"> Еске алғым келмейтін сәттер жетеді. Мені Қазақстандағы төрелік таң қалдыратын. Олар белгілі бір шешім қабылдағанда қандай түсінікке сүйенетінін ұқпай дал болдым.</p> <p style="text-align: justify;"> <strong>Достары туралы</strong></p> <p style="text-align: justify;"> Командадағы барлық әріптестермен доспын. Тіпті кеңседегі қызметкерлермен тіл табысып кеттім. Мені жылы қарсы алғандарына көп рахмет айтамын. Барлығына алғысымды білдіремін. Ең жақын досым &ndash; Момо Сисей. Ол &ndash; жақсы жігіт, өмір бойы жолдас болып қаламыз деген ойдамын.</p> <p style="text-align: justify;"> <strong>&laquo;Қайрат&raquo; жайлы</strong></p> <p style="text-align: justify;"> &laquo;Қайрат&raquo; &ndash; жыл сайын дамып келе жатқан, үлкен клуб. Қайрат Боранбаев пен Мәлік Кушәлиевтің арқасында &laquo;Қайрат&raquo; беделді командаға айналып, болашақта ел чемпионатын ұтады деп ойлаймын.</p>