Вороговский Бельгияның Бірінші лигасында чемпион атанды

Белгиялық «Беерсхот» сапында ойнайтын қазақстандық қорғаушы Ян Вороговский Бельгия Бірінші лигасында топ жарды, деп хабарлайды Prosports.kz тілшісі.

Промоушеннің «Ауд-Хеверле Левенаға» қарсы қарымта матчында Вороговскийдің командасы сырт алаңда 4:1 есебімен айқын жеңіске жетті.

Қазақстандық қорғаушы алаңға 63 минутта шықты.

«Беерсхот» бірінші матчта 1:0 есебімен жеңген болатын. Осылайша, Янның командасы Бірінші лиганы жеңіп алды. Енді «Беерсхот» та, «Ауд-Хеверле Левена» да келесі маусымда Бельгияның жоғары дивизионында ойнайды.