«Реал Мадрид» шабуылшысы коронавирус жұқтырды

26 жастағы испандық шабуылшы Мариано Диасқа COVID-19 диагнозы қойылды.

AS басылымы ойыншының қазіргі уақытта үйде оқшауланғанын жазды. Алайда, футболшымен байланыста болған командадағы әріптестеріне қатысты оқшаулау шаралары қабылданды ма, жоқ па белгісіз.

Естеріңізге сала кетейік, 7 тамызда «Реал Мадрид» Чемпиондар лигасының 1/8 финалындағы қарымта матчын «Манчестер Ситиге» қарсы өткізеді (бірінші ойында ағылшындық клуб 2:1 есебімен жеңді).