ПСЖ жолдастық матчтарда қарсыластарын жайпап келеді

Жолдастық матчта «Пари Сен-Жермен» Бельгияның екінші лигасында ойнайтын «Васланд-Беверен» клубын 7:0 есебімен жеңді, деп хабарлайды Prosports.kz.

Бұл кездесуде Неймар (пенальтиден), Килиан Мбаппе, Лоик Мбе Со және Мауро Икарди гол соқты. Эрик Чупо-Мотинг дубль авторы атанса, Олександр Вукотит өз қақпасына бір гол соғып алды.

13 шілдеде Пари Сен-Жермен жолдастық кездесуде Ле Гаврды 9:0 есебімен жеңген еді.

Естеріңізге сала кетейік, «ПСЖ» мерзімінен бұрын Франция чемпионы атанды. 

Клуб қазіргі таңда Чемпиондар лигасына дайындалып жатыр. Ширек финалда париждіктер италиялық «Аталантамен» кездеседі.