«Ливерпульге» чемпиондықты табыстау 22 шілдеде өтеді

«Ливерпуль» клубы ресми сайтында Юрген Клопп бастаған команданың маусымдағы жеңісіне орай Премьер-Лиганың кубогын көтеру рәсімі қашан және қалай өтетінін жариялады, деп хабарлайды Prosports.kz.

22 шілдеде Премьер-лиганың 37-турындағы «Челсиге» қарсы матчтан кейін, мерсисайдтықтардың  капитаны Джордан Хендерсон чемпионат кубогын басынан жоғары көтеріп, оны команданың қалған ойыншыларына  тапсырады. Аталған іс-шара «Коп» трибунасында өтетіні белгілі болды.

Коронавирус пандемиясына байланысты «қызылдардың» жанкүйерлері стадионға кіргізілмейді.

<picture><source type="image/webp" alt="" srcset="https://img.prosports.kz/news/content//202007/204253_71b395c3c62cbf6d4972f7a598eea17c.webp" /></picture>

Еске сала кетейік, «Ливерпуль» аталған титулды чемпионат аяқталуына 7 тур қалғанда, мерзімінен бұрын жеңіп алды. Бұл чемпиондық  атақ «Ливерпуль» тарихында 19-чемпиондық атақ саналады.