Екінші лига өтпейтін болды

Азамат Айтқожин карантин шараларына байланысты футбол мен футзал турнирлерінің тоқтатылғанын және коронавирус инфекциясының таралуына қарсы шаралар жағдайында ойындарды өткізу бойынша арнайы бекітілген хаттамаға сәйкес жарыстарды қайта жалғастыру жоспарларын айтып берді. Аталған құжат спорт нысандарының санитария нормаларының қатаң сақталуын қадағалайтын жол картасы болмақ.

Тараптар елдегі эпидемиологиялық ахуалға байланысты балалар мен жастар арасындағы футбол жарыстарын қайта жалғастыру мүмкін емес деген пікірге тоқталды. Олардың арасында Екінші лига командалары арасындағы ҚР Біріншілігі бар. Өйткені, бұл турнирге кәмелеттік жасқа толмаған ойыншылар қатысады.