«Барселона» коронавирус кесірінен 100 миллион еуродан айрылады

Mundo Deportivo мәліметінше, «Барселона» коронавирус пандемиясы кесірінен бүкіл әлемдегі қаржылық қиындыққа байланысты 100 миллион еуродан айырылуы мүмкін.

Каталондықтардың осы маусымдағы бюджеті 1 миллиард 47 миллион еуроны құрады, ал басшылық клуб қазынасын 1,1 миллиард еуродан асыруды жоспарлаған еді.

Пандемия салдарынан клуб дүкендері мен стадионның жабылуына байланысты кірістер күрт төмендеді.

Бұған дейін «Барселона» басшылығы 200 миллион еуро пайда табуды жоспарлаған деп хабарланған болатын.