«Тоттенхэм» ойыншысының інісін атып кетті

«Тоттенхэм» қорғаушысы Серж Орье өзінің інісі Кристофер Орьеден айырылды, деп хабарлайды Prosports.kz.

Тулузадағы түнгі клубтың жанында белгісіз біреулер 26 жастағы Кристоферді атып кеткен. Атыс кезінде ауыр жараланған ол ауруханаға жеткізген, бірақ дәрігерлер оны құтқара алмады.

Полиция қылмыскерді іздестіріп жатыр.

Айта кетейік, Серж Орье 2017 жылдан бері АПЛ-де өнер көрсетіп жүр. Оған дейін ойыншы «Ланс», «Тулуза» ПСЖ клубтарында өнер көрсеткен.